منامة علّيسة
علّيسة, زينة البنات
خرجت من البحر و مشات
جات في حضني وترمات
وخنقتها العبرة وبكات ...
فلتلها يا تاج الرّاس
ما عندك سوّ و لا بأس ؟
قالتلي يا ولد النّاس
حالكم يشّيب الرّاس ...
قلتلها الوقت غدّار
يا حسرة على هاك الزّمان
الرّوم لقاو فينا نهار
و ردمونا ملح و دمّار
قالتلي خسارة قرطاج
و حّنبعل و أميلكار
بلاد النّار و لا العار
ولاّت فرجة للزوّار
قلتلها حلمك علينا
راهي الدّنيا دارت بينا
الجلد إلّي كان مززّينا
رجع اليوم ضياق علينا
قالتلي الضّيق في القلب
عمرو ما كان في البلدان
وإلّي يروم عيشة الكلب
عمرو ما يرجع إنسان ...
علّيسة, زينة البنات
خرجت من البحر و مشات
جات في حضني وترمات
وخنقتها العبرة وبكات ...
علّيسة, زينة البنات
كيف ما جات ... مشات
رجعت في البحر ترمات
وفي قلبي غصّة خلاّت ...
Mille Pardons,
Belle Didon ...